CAGAYAN DE ORO CITY- Gikasuhan na sa terorismo ug paghupot sa ilegal nga armas ug eksplosibo ang nasikop nga teroristang Indonesian national sa Marawi City.
Kini human misulay pagsibat ang suspek nga si Muhammad Ilham Syahputra nga taga-North Sumatra,Indonesia gikan sa war zone aron dili mapatay sa militar sa maong lugar.
Gibutyag ni Marawi City Police Office Director Supt Imam Ebra Moxsir nga mipatay pa’g kauban nga terorista si Syahputra aron lamang makagawas sa main battle area.
Una nang gibutyag ni Moxsir nga nakuha gikan kang Syahputra ang granada,kalibre 45 nga armas,mga bulawan,mga salapi ug pasaporte sa pagkasapon sa Brgy Loksadatu sa maong syudad.
