CAGAYAN DE ORO CITY-Gimatud-an sa militar kon unsa pa ka peligro alang sa mga bakwit ang pagbalik na unta nila sa ilang mga pinuy-anan sulod sa main battle area sa Marawi City.
Kini human unang gidid-an pa gihapon sa militar nga makabalik ang libuang mga bakwit tungod sa presensiya sa salin-sali nga puwersa sa grupong Maute-ISIS nga unang nakig-engkuwentro sulo sa lima ka bulan sa gobierno.
Gibutyag ni AFP spokesperson Maj/Gen Restituto Padilla nga kumpirmadong anaa pa gihapon sulod sa main battle area ang pipila ka sakop sa Maute-ISIS diin na-engkuwentro pa sa ilang tropa ning semanaha.
Gani,napatay ang dugang duha sa mga terorista ug laing mga sundalo ang samaron atol sa maong engkuwentro.
