CAGAYAN DE ORO CITY-Dakpan sa Philippine Drug Enforcement Agency ang 30-anyos nga lalaki human makuhaan sa 17 ka ecstasy sa Laguindingan Airport, Misamis Oriental.
Giila ang suspek nga si Ralph Martin Go Rafanan,ulitawo ug residente sa Corrales Extension ning dakbaya.
Matud ni PDEA agent Ben Calibre nga mao kini ang pinakaunang higayon nga nakakumpiska sila’g mga ecstasy sa maong lungsod.
Gikan sa Metro Manila ang ecstasy diin gipalit kini sa suspek sa kantidad nga P1,200 ug iyang ibaligya ning syudad sa presyo nga P3,000.
Dugang pa ni Calibre nga ilang giimbestigaran ang rebelasyon sa suspek nga mga active politicians sa lungsod ang iyang mga kliyente.
