CAGAYAN DE ORO CITY-Gipaubos na sa PDEA-10 sa inquest proceedings ang negosyante nga unang nakuhaan sa 9 gramos nga tabletas sa ecstasy sulod sa Laguindingan Airport sa Misamis Oriental.
Kini human gikasuhan ang suspek nga si Ralph Martin Go Rafanan,30 anyos sa pag-biyahe sa maong droga gikan kauluhan pasulod dinhi sa syudad.
Miingon si PDEA agent Ben Calibre nga positibo usab sa drug test si Rafanan nga migamit sa ecstasy.Ipadayon sa PDEA ang paghikay sa kaso batok Rafanan sa provincial prosecutors ning adlawa.
Si Rafanan kinsa anak ni Brgy 21 Kapitana Gigi Go ang unang miangkon nga gikan kaniya ang nakompiskar sa PDEA ug PNP nga 17 ka ecstasy tablets dihang na-intercept sa Laguindingan Airport sa miaging Lunes sa buntag.
