CAGAYAN DE ORO CITY-Nakasuhan na sa illegal possession of explosive ang kapikas sa napatay’ng si Omar Maute nga si Indonesian Minhati Madrais alyas Baby nga unang nasikop sa militar ug kapolisan sa Brgy Tubod,Iligan City.
Kini tungod sa pagkakuhai niya’g mga materyales paghimo’g bomba sa giabangan niini nga pinuy-anan sa maong lugar sa miaging adlaw’ng Domingo.
Gibutyag ni Iligan City Police Officer Director Sr/Supt Leony Roy Ga nga maoy nagsilbing kaabag ni Madrais ang ilang police official gikan sa Indonesian Consulate ug abogado gikan sa Public Attorney’s Office o PAO.
Una nang gihangyo ni Madrais sa gobierno sa Indonesia nga atimanon ang iyang unom ka gagmay’ng mga anak nila ni Maute nga anaa sa kustodiya niini.
