CAGAYAN DE ORO CITY-Mag-face off ang Cagayan de Oro Water Technologies & Devt Corporation ug ang kadagkuan sa Cagayan de Oro Water District o COWD sa konseho ning syudad.
Miingon si Kag Bong Lao,chairman sa public utilitities sa konseho nga subay kini sa mando ni City Vice Mayor Rainer Kikang Uy atol sa ilang sesyon kagahapon.
Gibutyag ni Lao nga tuyo niini nga mabati usab sa COWD ang proposal sa maong kompanya isip supplier sa tubig nga nagtanyag sa barato lamang nga presyo.
Sunod-sunod ang committee hearing kabahin sa isyu sa panubig tungod pagsulod sa COWD sa kontrata sa Metro Pacific ug e-terminate ang padayong serbisyo sa Rio Verde ning syudad.
Hisayrang kantidad P8 per cubic meter ang baligya sa bag-ong water supplier samtang 16 pesos ug 35 sentabos ang ibaligya sa Metro Pacific sa COWD kon mosugod na sila pag-suplay dinhi sa syudad.
