CAGAYAN DE ORO CITY-Dili madawat sa PNP ug militar ang giingong pagpangayo’g pasaylo sa mga rebeldeng New People’s Army o NPA.
Kini human napatay sa mga rebelde ang upat ka bulan ug pagkaangol sa tulo ka sibilyan sa pag-ambush sa police patrol sa lungsod sa Talakag,Bukidnon sa miaging semana.
Miingon si PNP regional spokesperson Supt Lemuel Gonda nga dili angay tugtan ang linu-og nga binuhatan sa mga rebelde sama sa pagpamatay sa mga sibilyan.
Dugtong niini,gipadala ni Iligan City Police Director Sr/Supt Col Leony Roy Ga ang ilang City Public Safety Battallion sa Brgy Ticalaan, Talakag Bukidnon aron suportahan ang himoong imbestigasyon sa 4th mechanized infantry battalion.
Nagtoo si Ga nga mapadala ug mapalig-on sa maong ihap sa mga pulis ang pwersa sa gobyerno nga modakop sa nagpaluyong lider sa sunod nga pagpangatake sa Bukidnon ug Iligan City.
Dumduman nga sa miaging semana mukabat na sa tolo ang patay ug unom ang samaron sa pagpangatake sa mga NPA terror group sa maong bahin sa Bukindon.
Unang nagresulta sa kamatayon ni SPO3 Arnel Carillo ug pagka-angol nila SPO1 Pacifico Cabudoy; PO1 Nathaniel Ibal ug Insp Joven Acuesta ang hepe sa Amai Manabilang Police Station ang pagbomba sa NPA pinaagi sa landmine sa ilang police patrol.
