CAGAYAN DE ORO CITY-Hatagan ug panginabuhi-an ni Vice Pres. Leni Robredo ang mga residente sa Marawi City nga grabeng naapektuhan sa gubat.
Kini ang gibutyag sa bise presidente human niya du-awa ang Marawi, dala ang mga hinabang gikan sa nagkadaiyang grupo sa kaulohan.
Miingon si Robredo nga iyang nabati ang kalisod sa mga residente, busa, makigkoordinar siya sa DSWD aron ilusad ang programang ‘cash for work’ alang sa ilang panginabuhi-an.
Samtang nang-apod-apod usab ug hinabang sila si Davao City Mayor Inday Sarah Duterte ug Taguig City Mayor Lani Cayetano sa mga residente sa Marawi City.
Mihalad usab sila sa pag-ampo alang sa mga sibilyan ug sundalong namatay sa gubat sa main battle area.
Gibutyag ni Duterte nga mitanyag ang Davao-LGU ug technical assistance alang sa planning, budgeting ug social services.
Samtang mitanyag usab si Cayetano sa skills training ug ECCD development alang sa mga apektadong residente sa maong syudad.
