CAGAYAN DE ORO CITY-Sugdan na karong buntag ang tinuig nga blood letting activity nga gitawag ug ‘Dugong Bombo 2017’ sa Bombo Radyo Philippines.
Sama sa naandan, among kaabag sa nationwide simultaneous blood letting campaign ang Philippine Red Cross o PRC, local ug national sponsors ug daghan pang uban sama sa Armed Forces of the Philippines o AFP ug Commission on Higher Education o CHED.
Padayong nakadawat sa daghang pasidungog ang Bombo Radyo Phils. tungod sa pag-una niini sa listahan sa ubang kompaniya sa nasud nga nagbaton sa labing daghang units sa dugo nga natigom sulod lamang sa usa ka adlaw’ng ‘pinakamadugo-on’ nga blood donation campaign.
Ang Dugong Bombo, usa ka lig-ong ebedinsiya sa pabiling impluwensiya sa radyo ug mainstream media sa pagpahigayon sa importanteng mga proyekto nga daghan ang makabinipisyo.
Usa lamang ang Dugong Bombo sa daghang mga proyekto sa Bombo Radyo Phils. nga adunay Socio-Cultural Responsibility.
Kini gawas pa sa tinuig nga Bombo Medico ug Bombo Music Festival nga gitumong sa pagtabang palambo sa talento sa mga Pinoy.
Atong gi-ila ang blood donors nga mga bayani tungod sa bolontaryo nilang pag-donar ug dugo nga makatabang sa pagluwas sa kinabuhi sa tawo. Dili nato hikalimtan nga ang usa ka higayong pag-donar sa 400 hangtud 450 cc sa dugo, makaluwas na sa tulo ka kinabuhi.
Gawas sa snacks ug fluid replacements nga itunol ngadto sa successful blood donors, hatagan usab sila sa libreng special edition sa Dugong Bombo t-shirt isip souvenir ug Hemarate FA nga makatabang sa full recovery sa blood
supply sa ilang lawas.
Sa mga gustong magpakuha sa ilang dugo, pwede pa kamo makadalikyat diha sa Limketkai Atrium aron mamahimong blood donor sa DUGONG BOMBO 2017. A LITTLE PAIN..A LIFE TO GAIN.
#dugongbombo2017
