CAGAYAN DE ORO CITY-Giila ni Philippine Red Cross Northern Mindanao Blood Manager Dra Myra Yee nga record breaking ang nakuha nga blood successful donors sa 2017 Dugong Bombo partikular sa Atrium,Limketkai ning syudad.
Kini human natala ang mil- 032 ka tawo nga nakuhaa’g dugo diin taas itandi sa mil-016 ka successful blood donors sa tuig 2016.
Miingon si Yee nga ang maong mga dugo ang dako na’g ikatabang sa mga pasyente nga nagkinahanglan nga naka-confine sa nagkadaiyang ospital dinhi sa rehiyon.
Giila ang Guardian RAM International nga bloodiest group;bloodiest govt agency ang DepEd-CdeO;bloodiest people’s organization ang 4P’s beneficiaries ug bloodiest fraternity ang Upsilon Phi Sigma.
Dugtong niini,gipasalamatan sa DepEd-Division of Cagayan de Oro ang tanang magtutudlo nga mitubag sa hiniusang proyekto sa Dugong Bombo ug Dugong Guro projects sa Atrium,Limketkai ning syudad.
Kini human milampos ang DepEd sa pagsilbing bloodiest govt agency sa maong proyekto diin sila nagbaton sa 433 ka blood succesful donors.
Miingon si DepEd Division of Cagayan de Oro Dugong Guro coodinator Dr Rose Sudaria nga daghan pa unta ang ilang makuhaa’g dugo apan may mga medical technicalities ang pipila sa mga kauban niini.
Dumduman nga 63 ka blood successful donors ang gikan sa grupong Eagles nga lahi’g lokasyon sa blood letting activity sa maong mall ning syudad.
Nasayran nga una na usab nga suportado sa city ug provincial govt ang kalihukan inabagan sa mga ahensiya sa gobierno,pribado ug daghang indibidwal ang Dugong Bombo ning tuiga.
