CAGAYAN DE ORO CITY-Subli nagtala sa bag-ong record ang Bombo Radyo Philippines sa gihimong tinuig nationwide simultaneous blood letting campaign nga mas naila nga Dugong Bombo 2017 kagahapong adlawa,Nob.18,2017.
Mokabat sa katibuk-ang 8-mil 669 successful blood donors ang boluntaryong naghatag sa ilang mga dugo alang sa Dugong Bombo blood letting project.
Ang maong ihap sa successful blood donors ang ikatandi sa ‘three million cc” million cc sa dugo nga natigom gikan sa nagkadaiyang lugar ug syudad nga adunay STAR FM ug Bombo Radyo stations nationwide.
Ang three million cc ang susamang gindaghanon sa 4-mil litro sa dugo o moabot sa kapin 1,000 gallons o ikatandi sa katibuk-ang 18.5 drums sa dugo ang natigom.
Ang maong blood letting project sa Bombo Radyo Philippines ang makadaghan nang nakadawat pasidungog tungod sa pag-una niini sa listahan sa ubang kompaniya sa nasud nga nagbaton sa labing daghang units sa dugo nga natigom sulod lamang sa usa ka adlaw’ng ‘pinakamadugo-on’ nga blood donation campaign.
Ang Dugong Bombo ang usa lamang sa mga proyekto sa Bombo Radyo Philippines nga may Socio-Cultural Responsibility.
Ang uban niini naglakip sa tinuig nga Bombo Medico,anaa usab ang Bombo Music Festival nga nagtinguha makatabang sa pagpalig-on sa talento sa mga Pinoy.
Subli,kinasingkasing ang among pagpasalamat sa successful blood donors,misaludo kami sa inyong pagka-bayani!
Susamang pagyukbo usab ngadto sa miduyog aron mahimong subli magmalampuson ang Dugong Bombo 2017.
Daghang salamat sa kanunay’ng kaabag sa Bombo Radyo Philippines nga Philippine Red Cross.
Espesyal usab ang among pagpapasalamat sa tanang local ug national sponsors kauban ang tanang volunteers,supporters sama sa Armed Forces of the Philippines ug Commission on Higher Education o CHED.DUGONG BOMBO 2017…A LITTLE PAIN…A LIFE TO GAIN.
Dugtong niini,mitala sa mil-095 ka successful blood donors ang Bombo Radyo Cagayan de Oro sa maong kalihukan.
Naggikan ang mil-032 successful blood donors niini mismo gikan sa Atrium diin ang Philippine Red Cross Northern Mindanao ang nag-accomodate kanila.
Samtang ang laing 63 gikan usab sa Fraternal Order of Eagles nga ang mga nurse gikan sa Dept of Health Region 10 ang nag-atiman kanila sa ikaduhang andana sa mall.
Giila ang Guardian RAM International nga bloodiest group;bloodiest govt agency ang DepEd-CdeO;bloodiest people’s organization ang 4P’s beneficiaries ug bloodiest fraternity ang Upsilon Phi Sigma.
