CAGAYAN DE ORO CITY-Gipakita lamang ni Pres Rodrigo Duterte nga wala mahadlok ang gobierno sa mga pagpanghasi ug pag-atake nga mugna sa CPP-NPA-NDF.
Kini human giundang ni Pres Duterte ang negosasyon sa hisgutanang pangkalinaw tungod kay dili sensiro ang maong grupo nga nakig-atubang sa kagamhanan.
Miingon si 4th ID spokesperson Capt Joe Patrick Martinez nga napuno na ang gantangan ni Duterte sa kanunay’ng pagpailob ngadto sa mga rebelde hinungdan sa kanselasyon sa peacetalks.
Una nang gi-ambush sa mga NPA ang police patrol ug naka-motorsiklong mga sundalo diin nagresulta sa kamatayon sa tulo ka tawo nga naglakip sa upat ka bulang batang Maranao-Muslim sa Bukidnon-Iligan City boundaries sa miaging Nobyembre 11 ning kasamtangang tuig.
