CAGAYAN DE ORO CITY-Mi-surrender ang upat ka aktibong miembro sa rebeldeng New People’s Army o NPA ingon man ang ilang 200 ka sakop sa masa atol sa military peace caravan.
Kini bisan unang gibakwi ni Pres Rodrigo Duterte ang pakig-negosyar sa mga rebelde gumikan sa sunod-sunod nga pagpanghasi ngadto sa tropa sa gobierno palibot sa nasud.
Miingon si Capt Joe Patrick Martinez,tigpamaba sa 4th ID,Philippine Army nga susamang istratehiya gihapon ang ilang ipatuman kuyog ang nagkadaiyang ahensiya sa gobierno aron malumpag sa hingpit ang insurhensiya sa kabukiran.
Una nang gihimo sa militar ang peace caravan sa lungsod sa Kitcharao sa Caraga Region diin pinakadakong hagit sa 4th ID,Philippine Army sa hisgutanan sa insurhensiya sa Mindanao.
