CAGAYAN DE ORO CITY-Giawhag karon sa kapolisan ang katawhan nga itaho kanila kadtong mga pulis nga adunay gisudlang mga ilegal nga kalihukan sama sa kalambigitan sa pagbaligya’g gidiling droga ug mga pasugal dinhi sa syudad.
Kini aron mapalig-on sa kapolisan ang ilang paglimpyo batok sa pipila ka police scalawags nga nakapaguba sa imahen sa PNP.
Subli gihimo ni C/Insp Mardy Hortillosa,tigpamaba sa Cagayan de Oro City Police Office o COCPO ang awhag dihang may tulo sa ilang kaubang pulis ang giimbestigaran sa kalambigitan sa ilegal nga pasugal sama sa suwertres sa dakbayan.
Hinoon,napakyas sila pagmatood sa maong pasangil batok sa maong mga pulis apan pursigido ang COCPO pagsilot sa ilang mga badlungon nga mga miembro.
