CAGAYAN DE ORO CITY-Gipasidan-an karon grupong Bagong Alyansag Makabayan o BAYAN Northern Mindanao si Pres Rodrigo Duterte nga dili idamay ang mga progresibong pundok sa iyang kasuko sa rebeldeng New People’s Army.
Kini human unang nagbahad si Duterte nga ipadakop niya sa militar ug kapolisan ang tanang legal fronts nga suporters sa CPP-NPA-NDF.
Miingon si BAYAN Northern Mindanao Sec Gen Wildon Barros nga posibleng modaghan ang mga rebelde kon lutuson sa gobierno ang legal front groups sa nasud.
Una niini,mihimakak si Barros nga suporter sila sa mga rebelde nga responsable sa sunod-sunod nga pag-atake sa tropa sa gobierno sa nasud.
Samtang gibatikos ug gikondenar sa grupong League of Filipino Students o LFS-Northern Mindanao ang gobierno sa pasangil nga sila aktibong sakop sa rebeldeng New Peoples Army o NPA.
Namugos si Kristine Cabardo sa maong grupo nga lehitimo sila nga katiguman sa mga bantan-on nga nagpadayag lamang sa mga abuso ug palpak sa gobierno.
Namugos si Cabardo nga angay sulbaron sa gobierno ang kawad-on aron dili mapugos pagsulod sa paka-rebelde ang katawhan.
Una niini,gikompirmar ni PNP regional spokesperson Supt Lemuel Gonda nga bisan dili angkonon sa legal fronts nga supporters kini sa CPP-NPA-NDF apan dugay na sila napanid-an sa govt intelligence community.
