CAGAYAN DE ORO CITY-Kasuhan sa pagpangawat sa mga motorsiklo ang naglangkob sa notoryus nga grupong Tropang Born Squad o TBS sa piskalya sa syudad ning adlawa.
Kini human narekober sa kapolisan ang kinawat nga mga motorsiklo sa posisyon sa gitoohang TBS group leader nga si Jayrell Aguran diha sa Zone 8,Brgy Bulua sa syudad kagahapong adlawa.
Gibutyag ni Bulua Police Station deputy commander Sr/Insp Teodoro de Oro nga nasikop usab nila ang anak ni Aguran nga si John Neil; mga paryente nga si Lou Jan ug John Llamis ingon ma ang usa pa ka John Cojuangco.
Kabahin sa nabawi atol sa follow operations ang tulo ka kinawat nga motorsiklo diin naglakip niini ang XRM motorcyle nga mismo gipanag-iya sa usa sa mga empleyado dinhi sa Bombo Radyo.
Hisayrang ang maong grupo ang kanhi na usab nasikop sa mga personahe sa Carmen Police Station tungod gihapon sa pagpangawat motorsiklo sa pipila ka brgy ning dakbayan sa miaging bulan.
