CAGAYAN DE ORO CITY-Giisa na sa Provincial Regional Office -10 ang alert level sa tibook rehiyon sa ilang pagpangandam batok sa mga rebeldeng New People’s Army.
Kini may kalabutan sa sunod-sunod nga pagpangatake sa mga armadong grupo sa pipila ka mga lugar nga sakop sa Region 10.
Si Cagayan de Oro City Police Office o COCPO spokesperson C/Insp Mardy Hortillosa miingon nga hugot nila nga gibantayan ang dakbayan batok sa himoong pagpangatake sa mga rebelde.
Gani, giisa nila sa level 4 ang alerto sa pagbantay batok sa mga NPA.
