CAGAYAN DE ORO CITY-Gipangita sa militar ang lugar nga gitaguan sa bag-ong lider sa grupong Maute-ISIS nga giingong responsable sa pag-atake sa Marawi City.
Kini human miggawas ang report nga buhi pa si Malaysian terrorist Amin Bako kinsa susama’g abilidad sa napatay nga sila si Omar Maute ug Isnilon Hapilon.
Si Joint Task Force Ranao deputy commander Col Romeo Brawner miingon nga ila usab gipangita ang anaa sa ilang listahan nga si Awaida Benito Marahomsar alyas Abu Dar nga maoy naghupot sa mga kinawat nga kwarta aron ibayad sa mga bag-ong child warrior recruits.
Gipangita usab sa mga otoridad ang uyoan sa magsoong Maute nga si Zacaria Romato kinsa adunay P2 milyon reward money sa ulo.
