CAGAYAN DE ORO CITY-Gihimakak ni IFI Bishop Felixberto Calang nga sila suporter sa CPP-NPA-NDF.
Kini human unang gimando ni Pres Rodrigo Duterte nga ipasikop ang tanang legal fronts sa CPP-NPA-NDF sa nasud.
Miingon si Calang nga may mga punto lamang nga managsama ang krusada sa ilang simbahan ug pipila ka legal fronts apan dili sila suporter sa mga rebelde.
Una nang gihingusgan ni Calang nga angay ipadayon ang hisgutanang pangkalinaw tali sa gobierno ug CPP-NPA-NDF kay bugtong kini ang tubag sa suliran sa insurhensiya sa nasud.
