CAGAYAN DE ORO CITY-Naka-kustodiya sa kapolisan ang pari nga responsable sa kamatayon sa usa ka motorista sa intersection sa Galaxy, Brgy Gusa sa syudad kaganihang kadlawon.
Kini human gihikay ang kaso batok kang Fr Enerio Tacas-Tacas nga kura paroko sa parokya sa lungsod sa Tagoloan,Misamis Oriental.
Gibutyag ni C/Insp Alan Curato,hepe sa Agora Police Station nga hulaton nila ang aksyon gikan sa pamilya ni Teddy Kevin Fuentes nga taga-Bukidnon kon ipadayon nila ang pagduso’g kaso batok sa pari.
Una niini,nagkabangga ang Ranger Ford ni Tacas-Tacas ug motorsiklo sa biktima hinungdan sa duguong aksidente.
Samtang, gitubag sa simbahang Katoliko ang obligasyon sa kamatayon sa maong biktima.
Miingon si Msgr Rey Monsanto,consultor sa Archdiocese of Cagayan de Oro nga nakig-settle na ang pamilyang Fuentes hinungdan nga gihikay na usab ang dokumento pagsibog sa kaso.
Kasong kriminal unta ang atubangon ni Fr Enerio Tacas-Tacas kon ugaling wala pa isibog sa pamilya sa biktima.
