CAGAYAN DE ORO CITY-Buhian sa dili madugay si Fr Enerio Tacas-Tacas kinsa detinado sa mini-cell sa Agora Police Station ning syudad.
Kini human unang nakabangga ni Tacas-Tacas ang motorista nga si Teddy Kevin Fuentes sa intersection sa Galaxy,Brgy Gusa sa syudad sa miaging kadlawon.
Miingon si Msgr Rey Monsanto,consultor sa Archdiocese sa Cagayan de Oro nga nagkauyon na ang pamilya sa biktima ug si Tacas-Tacas aron dili na ihinayon ang kaso.
Nakasakay sa Ford Ranger ang pari samtang lulan usab sa motorsiklo si Fuentes dihang nahitabo ang ‘head on collission’ hinungdan sa dugu-ong aksidente.
Una nang gipasalig sa simbahang Katoliko nga tubagon nila ang tanang panginahanglan sa pamilya sa namatay ug bisan sa pagpahimugso sa kapikas niini nga mabdos ingon man ang pagpa-eskuwela niini.
