CAGAYAN DE ORO CITY-Gimando na sa PNP sa tanan nilang ginsakupan nga mangandam na alang sa subli pagpahigayon sa anti-illegal drugs operations dinhi sa rehiyon.
Kini human unang gibutyag ni Pres Rodrigo Duterte nga ibalik sa PNP ang maong tahas aron maabagan ang PDEA sa pagsumpo sa naghitak nga gidiling droga sa nasud.
Gibutyag ni PNP regional spokesperson Supt Lemuel Gonda nga gibaharan sila sa ilang kadagkuan nga kanunay tahuron ang tawhanong katungod sa panahon nga mohimo’g mga operasyon.
Una niini,naghinam-hinam ang PDEA-10 nga subli ikauban ang PNP aron dungan pakigbatukan ang ilegal nga droga dinhi sa rehiyon.
Giangkon ni PDEA agent Ben Calibre nga kulang ang ilang puwersa aron paspas masumpo ang mga tawo nga nagpayuhot sa ilegal nga droga.
