CAGAYAN DE ORO CITY-Wala tugti sa korte makapiyansa alang sa temporaryong kagawasan ang anak sa brgy kapitan nga unang nasikop sa pagdala’g 17 ka tableta sa ecstasy drugs sulod sa airport sa Laguindingan,Misamis Oriental ning bulana.
Kini human moabot sa 9 gramos ang timbang sa maong druga hinungdan na-commit ang suspek nga si Ralph Go Rafanan diha sa Misamis Oriental Provincial Jail.
Miingon si PDEA agent Ben Calibre nga naghulat na lamang sila sa schedule alang sa pormal nga pagdungog sa kaso batok sa suspek nga residente sa Brgy 21 ning dakbayan.
Si Rafanan ang una nang miangkon naghupot sa maong droga apan nagdumili paghatag komento kabahin sa pagkasikop niini.
