CAGAYAN DE ORO CITY-Gipildi sa mga programa sa Bombo Radyo Philippines ang mismong teritoryo sa Radio Mindanao Network (RMN) nga nakabase sa Cagayan de Oro City.
Kini human nagsilbing overall no.1 ang 729KHZ DXIF-Bombo Radyo Cagayan de Oro batok sa tanang AM ug FM stations nunot sa survey nga gihimo ning syudad niadtong Setyembre 3-9,2017.
Subay sa official survey result nga gihimo sa Kantar Media Research Philippines,nakakuha sa 54.1 percent audience share ang Bombo Radyo samtang 33.21 percent lamang ang 828KHZ DXCC nga flagship station sa RMN sa tibuok nasud.
Nagsunod ang 1188KHZ DXRU nga nakakuha lama’g 6.88 percent samtang 5.19 percent audience share usab ang 930KHZ DXIM Radyo ng Bayan.
Nagkakuha usab ang Barangay LS 100.7 FM (RGMA) sa 20.9 percent ug anaa lamang sa ikaduhang puwesto ang Magnum Radyo sa ilang 20 percent audience share.
Gilayong nagpaabot usab sa mga pagtimbaya ang katawhan ingon man ang mga opisina sa gobierno ug pribadong sektor tungod sa kalampusan sa Bombo Radyo Philippines.
Hinoon,giingong may pipila ka estasyon nga dili makadawat sa resulta bisan giunsa nila’g pagpanghatag sa ‘dole outs’ mabira lamang ang ‘diehard listeners’ sa Bombo Radyo nga ngadto maminaw sa kanila.
Dugtong niini,sobra ang pagpasalamat sa Bombo Radyo Philippines ngadto sa katawhan sa nasud.
Kini tungod kay hangtod karon pabiling lig-on ang pagsuporta sa mga programa,proyekto ug mga promo nga kada-tuig gipakusog sa tumong nga masilbihan pa ang katawhang Pilipinhon.
