CAGAYAN DE ORO CITY-Gisupak sa usa sa mga kapitan ning syudad ang gipamugos sa grupong International Network Revolution.
Gibutyag ni Gusa Brgy Kapitan Marlon Tabak nga kulang pa kaayo ang kaalam sa publiko kalabot na sa pederalismo ug madugangan na sa termino sama sa “rebolusyon”.
Sayud Tabac nga walay kaayuhan na mahatag ang revolutionary form of government aron magsilbing dalan sa pederalismo.
Base sa balaod, namugos si Tabac nga angayan paspasan sa mga magbabalaod ang pag-amendar sa batakang balaod ayha mapatuman ang pederalismo ug dili pinaagi sa rebulusyon.
Samtang pagdagmal sa kasamtangan konstitusyon ang gisugyot sa grupong International Network Revolution.
Reaksyon kini ni Atty Antonio Soriano,convenor sa Citizens Watch for Good Governance batok sa panawagan sa pundok nga mupalanog sa revolutionary form of government isip transition govt padulong sa pagkab-ot sa pederalismo.
Nagtoo si Soriano nga mahimo lang ang katumanan niini kung mapakusog ang peoples initiative.
Nakita ni Soriano nga daw gisunod sa maong pundok ang ilang napiling transition form of govt sa Thailand kinsa mipalagpot sa usa ka presidente ug ang militar maoy nangulo sa transition form of govt.
Dugtong niini,hatagan sa igong seguridad sa Cagayan de Oro City Police Office o COCPO ang ilusad nga peace rally ug caravan sa Duterte supporters ning adlawa.
Gibutyag ni COCPO spokesperson C/Insp Mardy Hortillosa nga kanunay ang ilang koordinasyon alang sa mga sakop sa RTA nga magbantay sa dagan sa trapiko oras nga sugdan ang caravan.
Magdeploy usab ang COCPO sa ilang mga personnel sa palibot aron mahimong hapsay ang assembly.
Una niini, gikonsiderar sa kapolisan nga dakong katiguman alayon sa adlaw’ng natawhan sa amahan sa rebolusyunaryong Pilipinhon nga si Gat Andres Bonifacio.
