CAGAYAN DE ORO CITY-Gikasubo sa Cagayan de Press Club o COPC ang kamatayon sa ilang kauban tungod sa gihambin nga komplikasyon sa panglawas.
Kini human namatay si COPC Corporate Secretary Jasper Uy kinsa magtutudlo usab sa pipila ka kolehiyo ning syudad.
Mismo ang kapikas niini nga si Arlene Uy ang nagkompirmar nga taud-taod nang naghambin kini sa sakit hinungdang balik-balik na lamang sila sa ospital.
Si Uy ang nagsilbing magsusulat usab sa lokal nga mga mantalaan ug milansad sa pagka-mayor apan napildi sa miaging mga eleksyon dinhi sa syudad.
Samtang hayan ihaya usab ang patay’ng lawas ni COPC Corporate Secretary Jasper Uy mismo sa ilang heaquarters diha sa dalang Velez ning syudad.
Kini samtang hatagan sa COPC officials ug members sa pag-atiman ang pamilyang nagbangutan ni Uy.
Miingon si COPC president Msgr Elmer Abacahin nga dakong kawad-on kaniya si Uy ilabina nga daghan kini’g nahimo sa ilang organisasyon.
Si Abacahin miingon nga agdon nila ang pamilya sa biktima kon asa kini ihaya samtang mohimo usab sila sa pagbilar niini.
