CAGAYAN DE ORO CITY-Gihagit ni City Mayor Oscar Moreno ang katawhan nga puy-an ang gibilin nga sakripisyo ni Andres Bonifacio ilabina sa pagpangga sa yutang natawhan sa nasud.
Kini pinaagi sa paghatag sa maayong serbisyo sa mga mamumuo ngadto sa katawhan dili lamang sa syudad apan sa mga bisita gikan sa ubang bahin sa nasud.
Gihimo ni Moreno ang pahayag atol sa pagpangulo niini sa paghalad sa mga bulak sa tiilan sa monyumento ni Bonifacio kinsa gidumdom sa katawhan ang ika-154 ka tuig nga adlaw’ng natawhan karong adlawa.
