CAGAYAN DE ORO CITY-Natumbok na sa Special Investigation Task Group o SITG ang giingong posibleng motibo
sa pagpusil-patay kang USTP president Dr Ricardo Roturas.
Kini human gitugyan na sa pamilya ni Roturas ang ilang mga nasayran kabahin sa giatubang nga bahad sa kinabuhi niini sa wala pa mahitabo ang kremin.
Gibutyag ni City Police Director Sr/Supt Roy Bahian nga walay hunong ang SITG-Roturas sa pag-imbestigar aron masikop ang utok sa kamatayon ni Roturas.
Nasayran nakaangkon sa walo ka igo pinusilan si Roturas gikan sa kalibre nga mga armas nga gigamit sa mga suspek hinungdan sa kamatayon niini.
