CAGAYAN DE ORO CITY-Bisan si Gov Bambi Emano ang mibisita usab kang PO3 Alberto Bernadas samtang naka-confine sa pribadong ospital ning syudad.
Kini aron ipaabot ang tabang-pinansyal alang sa dugang panginahanglan ni Bernadas samtang magpaalim sa mga samad nga naangkon human malagsiki sa splinter sa M203 nga gigamit sa mga rebeldeng NPA atol pag-atake sa municipal police station sa Binuangan,Misamis Oriental.
Gitahasan usab ni Emano si MisOr Cares System coordinator Lilay Ocot nga makig-koordinar sa PNP alang sa paghatag ayuda sa panginahanglan ni Bernadas.
Una niini,nasubo ang kagamhanang probinsyal nga subli na usab nagka-engkuwentro ang tropa sa gobierno batok mga rebelde diin nakaapekto sa kahusay’g kalinaw.
