CAGAYAN DE ORO CITY-Giila ni PO3 Alberto Bernadas nga ikaduhang kinabuhi ang pagkaluwas niini gikan sa pag-atake sa kapin 100 ka rebeldeng NPA sa sulod sa police station sa Binuangan,Misamis Oriental.
Kini human naglisod sila pagtumbok sa mga lokasyon sa mga rebelde samtang gisuklan nila ang mga pagbuto-buto sa mga armas nga milungtad sa tulo ka oras.
Gibutyag ni Bernadas nga nagamit nilakaayo nila ang ilang training aron dili makasulod ang mga rebelde sa police station aron kuhaon unta ang mga gidala nila nga mga armas.
Una niini,mismo si NPA’North Central Mindanao Region spokesperson Ka Malem Mabini ang miangko nga napalpak sila pag-ilog sa mga armas sa mga pulis tungod sa kalig-on sa depensa hinungdan nga napugos kini pagbiya na lamang sa lugar.
