Giila ni President Ferdinand Marcos Jr ang dakung tahas sa mga magtutudlo sa tibook Pilipinas.
Ang iyang pagyukbo gi-atol sa usa ka bulan nga selebrasyonsa Teachers Month, nga unang nasugdan Setyembre 5 ug tak-upan sa Oktobre 5.
Sa iyang mensahe, miingon ang president nga ang pagtudlo dili trabaho lamang, kondili usa ka bokasyon nga nagkinahanglan sa dedikasyon ug kasingkasing.
Agig suporta sa ilang mabayanihong taras, gi-abiso ni Marcos nga mahatag ang igong benepisyo ug allowance alang sa mga magtutudlo sa pampublikong tunghaan. Usa niini ang P500 nga bebepisyo nga gihimo nang ₱7,000.
Samtang ang teaching allowance nga ₱3,500 gihimo niyang ₱10,000. Gi-anunsyo usab sa presidente nga ipatuman ang pagpamenos sa workload o pag-reduce sa paperwork gikan sa 174 forms ngadto sa 75 aron mas daghan oras ang mga guro sa pagtudlo ug pag-andam sa leksyon.
Gipaila usab ni Marcos ang Expanded Career Progression system nga nagtugot sa mga magtutudlo nga nga ma-promote ug makadawat sa dugang sweldo bisan magpabilin sila sa classroom.
