CAGAYAN DE ORO CITY-Gihataga’g Medalya ng Sugatang Magiting ug salaping cash ang usa sa upat ka pulis nga naangol sa pakig-engkuwentro sa 120 ka miembro sa rebeldeng New People’s Army o NPA sa Binuangan,Misamis Oriental.
Kini human personal gibisita ni PNP regional director C/Supt Timoteo Pacleb si PO3 Alberto Bernadas sa ospital tungod sa mga samad niini nga nakuha gikan sa sharpnels sa M203 rifle gikan sa NPA.
Miingon si Pacleb nga mismo na usab ang PNP ang motubag sa tanang medical expenses ni Bernadas ug hatagan nila kini’g bakasyon kon makagawas na ospital.
Si Bernadas ang kabahin sa grupo ni Binuangan Police Station commander Sr/Insp Dante Hallazgo nga nakig-engkuwentro kontra NPA aron dili mailog ang ilang estasyon sa kadlawon sa Domingo.
