CAGAYAN DE ORO CITY-Sugdan na sa PNP ug militar ang pagsikop sa mga miembro ug supporters sa CPP-NPA-NDF nga naglihok sa Northern Mindanao.
Kini human suportado sa tropa sa gobierno ang deklarasyon ni Pres Rodrigo Duterte nga grupong terorista na ang CPP-NPA.
Miingon si PNP regional spokesperson Supt Lemuel Gonda nga bugtong gihulat na lamang nila ang opisyal nga deklarasyon gikan sa presidente aron mohimo na sila’g opensiba kuyog ang militar batok sa maong grupo nga hadla sa seguridad dinhi sa rehiyon.
Hisayrang sulod ning semanaha,gi-atake sa kapin 100 ka NPA fighters ang police station sa Binuangan,Misamis Oriental diin gisuklan sila sa walo lamang ka pulis hinungdan nga milungtad sa tulo ka oras ang engkuwentro.
