CAGAYAN DE ORO CITY-Tunulan sa laing pasidungog gikan sa DILG ang mga pulis nga isog nakig-engkuwentro sa 120 ka rebeldeng New People’s Army o NPA sa Binuangan,Misamis Oriental.
Kini human nangadlawon si DILG Undersecretary Eduardo Anio sa pagduaw sa tropa ni Binuangan Police Station commander Sr/Insp Dante Hallazgo.
Namahayag si PNP regional spokesperson Supt Lemuel Gonda nga kuyog ni Anio sa pakighimamat sa ilang puwersa ang mga opisyal sa maong lungsod ug mismo ang Misamis Oriental PNP.
Una niini,gihatagan ni Anio sa pasidungog ug cash assistance si PO3 Alberto Bernadas dihang personal kini niya nga gibisita sa pribadong ospital ning syudad kagabii.
Dumduman nga gitunulan usab sa pasidungog sa grupo ni PNP deputy director Gen Archie Gamboa sila si Hallazgo tungod sa pag-depensa sa ilang estasyon nga masudlan sa NPA rebels niadtong Domingo sa kadlawon.
