CAGAYAN DE ORO CITY-Naglaum ang Special Investigation Task Group o SITG- Rotoras nga dako’g ikatabang sa ilang nagpadayon nga imbestigasyon sa mga suspek sa krimen ang nakuha nga cephone sa biktima.
Si COCPO spokesperson C/Insp Mardi Hortillosa miingon, nga maoy ilang target karon nga mabasa ang mga mensahe sulod sa telepono ni USTP president Ricarod ‘Ric’ Rotoras ilabina sa death threats nga nadawatan niini.
Hisayran nga gipahiluna na ang patay’ng lawas ni Rotoras sa Greenhills Memorial Garden sa Brgy Bulua ning syudad kaganihang buntag.
Samtang, bisan paman nga walay timeline nga gihatag ang lokal nga kagamhanan sa syudad taliwala sa minelyong tanyag nga reward money, paningkamutan gihapon sa SITG-Rotoras nga masulbad ang kaso sa pinakamadaling panahon kini aron dili madaut ang ilang reputasyon.
Una nang milugwa ang report nga aduna nay lead ang kapulisan kon kinsa ang mga tawo nga mihimo sa pagpapatay kang Rotoras.
