CAGAYAN DE ORO CITY-Nagdumili una si ARMM-PNP regional director C/Supt Graciano Mejares pagkompirmar nga hinimuan sa grupong Maute-ISIS ang ngilngig nga kamatayon sa tulo ka Kristiyanong negosyante sa Brgy Dadu,Balindong,Lanao del Sur sa miaging adlaw.
Kini human gipusil,gitigbas ug gidunggab sa wala mailang mga suspek ang mga biktima nga sila si Greg Baguio,33 anyos nga taga-Gitagum ingon man si Rolando Crisostomo ug Julito Sarsaba nga nagpuyo sa Initao,Misamis Oriental.
Gibutyag ni Mejares nga gihulat pa niya ang opisyal nga resulta sa pag-imbestigar sa Lanao del Sur PNP kabahin sa hitabo.
Una niini,giingong naalaan nga sakop sa intelligence community ang mga biktima samtang namaligya’g plastic nga bangko ug lamesa dihang gi-atake sa mga kriminal.
