CAGAYAN DE ORO CITY-Gikumpirmar ni Cagayan de Oro City 2nd District Congressman Maxi Rodriguez nga may pagahimoon nga joint meeting ang Kongreso ug Senado ning semanaha aron hisgutan ang hangyo ni Pres Rodrigo Duterte.
Sa panig ni Rodriguez, gusto niya nga madungog ang reaksiyon sa katawhan kalabot na sa laraw ni Pres Duterte nga lugwayan pa og usa ka tuig ang Martial Law
sa Mindanao.
Apan nagtoo si Rodriguez nga dili na kinahanglan pang lugwayan ang Martial Law ilabina nga nahuman na ang giyera sa Marawi City.
Apan iyang gitin-aw nga himoon niyang basehan ang iyang desisyon sa extension sa Martial Law ang ebidensiya nga ipakita sa mga nag-rekomendar niini.
Sumala ni Rodriguez nga kinahanglang iyang masayran ang kinatibuk-ang hinungdan sa ekstensiyon sa batas-militar.
Tungod niini, gihagit ni Rodriguez ang mga nag-rekomendar nga ipakita ang tanang ebidensiya nga magpamatood nga kinahanglang lugwaya’g 1 year ang
extension sa Martial Law.
Gani, naglaum si Rodriguez nga dili na apilon ang Cagayan de Oro sa Martial Law extension.
