CAGAYAN DE ORO CITY-Gipanganti sa mga progresibong pundok nga batukan ang tinguha sa gobierno nga pagpalugway sa martial law sa Mindanao.
Panganti kini ni Bayan Northern Mindanao Sec Gen Wildon Barros dihang gipangayo ni Pres Rodrigo Duterte ang dugang usa ka tuig nga extension sa martial law aron pugngan ang dugang kadaot sa mga terorista ug insurhensiya.
Dugtong usab niini,gitawag ni Citizen’s Watch for Good Governance o CWGG convenor Atty Antonio Soriano nga wala na’y basihan ang deklarasyon ni Duterte ilabina nga wala na’y pag-ulbo sa rebelyon.
Hinoon,angay gihapon kini nga tukion sa kongreso ug dad-on sa korte suprema ilabina sa mga pundok nga supak niini.
Una usab niini,gitahod sa militar ug kapolisan ang mga pagsupak sa lakang sa gobierno.
Apan namugos si City Police Office spokesperson C/Insp Mardi Hortillosa nga dako’g ikatabang ang martial law ilabina pagsumpo sa mohimo’g kagubot ilabina dinhi sa syudad.
Una nang gikompirmar ni Cagayan de Oro 2nd District Rep Maxi Rodriguez ang joint special session sa kongreso aron tukion ang martial law extention ni Pres Rodrigo Duterte.
Gibutyag ni Rodriguez nga usa ka tuig ang rekomendasyon sa presidente sa lugway sa kamanduan sa Mindanao tungod sa giingong potensyal sa subling pag-ublo sa rebelyon.
Hinoon, gitin-aw ni Rodriguez nga nakaabot na sa hawanan sa kongreso ang sulat-rekomendasyon ni Duterte nga basi usab sa rekomendasyon sa militar ug kapolisan.Himoon sa mga magbabalaod ang special session sa kongreso sulod ning semanaha.
