CAGAYAN DE ORO CITY-Nagtoo si kanhi Sen Pres Aquilino Pimentel Jr nga dako ang papel sa Kongreso sa pag-aprobar sa hangyo ni Pres Rodrigo Duterte nga lugwayan sa usa ka tuig ang deklarasyon nga batas militar sa Mindanao.
Si Pimentel miingon nga kinahanglang tukio’g ayo sa mga magbabalaod kon angayan ba nga lugwayan pa ang martial law.
Siya miingon nga dako iyang pagtoo nga adunay lig-on nga rason si Pres Duterte kon nganong palugwayan niini’g usa ka tuig ang Martial Law.
Una niini, miani’g nagkadaiyang reaksyon ang laraw ni Pres Duterte.
