CAGAYAN DE ORO CITY-Namugos ang PNP-10 nga mga aktibong miembro sa rebeldeng New People’s Army o NPA ang
boluntaryong mitahan kanila diin gi-presentar sa local media sa Camp Alagar,Brgy Lapasan ning syudad kagahapon sa buntag.
Kini human sunod nga mihimo’g pag-surrender ang mga lumad nga sila Arnel Salahag Diwangan; Mablet Timbangan nga taga-Brgy Canangaan,Cabanglasan;Bebert Damasco Jr ingon man ang magsoong Marlon ug Rodolfo Talisik Jr nga taga-Brgy Casisang,Malaybalay City,Bukidnon sa kapolisan ning bulana.
Gihimo ni PNP regional spokesperson Supt Lemuel Gonda ang katin- awan tungod sa mga obserbasyon nga kadudahan ang mga barog sa NPA surrenderees kay mga dagko’g lawas.
Dala sa mga rebelde sa ilang pagbalik sa gobierno ang barret IG sniper;M-14 sniper rifle;carbine ingon man duha ka shotguns ug ang mga bala niini.
Una nang namugos ang mga returnee nga dismayado sila sa liderato sa NPA nga nakabase sa Bukidnon kay igo ra kini gisaaran ug sobra kagutom ug kakapoy sa bukid.
Samtang gigukod pa gihapon sa militar ug kapolisan ang rebeldeng New People’s Army o NPA nga mi-atake sa police station sa lungsod sa Binuangan Police Station sa Poblacion,Binuangan,Misamis Oriental sa miaging Disyembre 3.
Kini human pabiling wala pa’y makasuhan kapolisan nga mga rebelde nga responsabli pagpaulan ug mga
bala sa police station sa dul-ag tulo ka oras nga pag-atake.
Gibutyag ni PNP regional director C/Supt Timoteo Pacleb nga ipaubos pa nila sa dugang pakisusi ang lima ka pulis nga mitahan kanila sa pamasin nga may makuha kining dugang impormasyon sa mga NPA nga responsable sa atake sa Binuangan.
Dumduman nga upat sa walo ka pulis ang nasamdan sa sinukliay sa mga bala diin usa
kanila ang nadala sa ospital ning syudad.
