CAGAYAN DE ORO CITY-Gimando karon ni Supreme Court en banc nga subli e-re-raffle ang mga kaso nga unang giatubang ni City Mayor Oscar Moreno sa Ombudsman nga kanhi niini gidangop sa Court of Appeals o CA-Mindanao Station ning syudad.
Gihimo sa korte suprema ang lakang nunot sa hangyo ni CA-Mindanao Station Executive Justice Romulo Borja gumikan sa kalisod matigom ang mga mahistrado aron motutok sa mga apelasyon ni Moreno.
Gawas niini,gihisgot ni Borja sa iyang hangyo nga nagpatuman usab sa re-organization ang Court of Appeals associate justices hinungdang angayan lamang mabalhin sa kauluhan ang pagdungog sa mga kaso ni Moreno.
Dugtong niini,gimanduan ni Supreme Court en banc ang mga associate justice nga gikan sa CA-Mindanao nga ma-destino sa CA-Manila Station nga mohawid pa sa mga kaso ni Moreno aron kalikayan ang mga pagduda sa publiko.
Si Moreno adunay mga pending nga apelasyon batok sa mga dismissal order nga gipahamtang kaniya gikan sa Ombudsman.
