CAGAYAN DE ORO CITY-Magpabiling alerto ang Cagayan de Oro City Police Office (CoCPO) hangtud sa kasaulogan sa Bag-ong Tuig ning syudad.
Kini nunot na sa bahad nga ilang nadawatan nga adunay himoong pagpangatake sa mga teroristang grupo.
Si COCPO spokesperson PCInsp Mardi Hortillosa miingon nga maoy ilang gibantayan ang mga simbahan ingon man ang mga lugar nga gatambayan sa daghang tawo.
Gipasalig ni Hortillosa nga ilang paningkamutan nga mahimong hapsay ug malinawon ang kasaulogan sa Pasko ug Bag-ong Tuig.
Samtang, gikumpirmar niya nga may gihimo na silang lakang kalabot na sa pahayag sa kasundalohan nga adunay gihimong pagpang-recruit sa social media ang mga terorista sa mga kabatan-onan.
Magpahigayon usab silag visitation sa sa matag tunghaan aron mohatag awareness ug mapakigbatukan ang mga aktibididadis sa mga terrorista.
