CAGAYAN DE ORO CITY-Giawhag sa PNP-10 nga dili maghatag kumpiyansa sa ilang mga himoong paglakaw samtang
mohimo’g pagtambong sa misa de gallo kada-kadlawon ning syudad.
Kini bisan nga alerto ang kapolisan ug militar batok sa mga grupo nga nagtinguha pagsabotahe sa seguridad sa syudad.
Gibutyag ni PNP regional spokesperson Supt Lemuel Gonda nga unta adunay mabilin sa mga pinuy-anan sa panahon nga mohimo’g pagsimba ang matag-pamilya aron dili makahigayon ang mga sakop sa akyat bahay gangs.
Miingon si Gonda nga nagpabiling taas ang bahad sa terorismo nga hinimuan sa mga grupo nga mosabotahe sa seguridad hinungdan nangayo sila’g tabang sa publiko niini.
Hisayrang giila sa PNP-10 nga generally peaceful ang unang mga pagsaulog sa misa de gallo sa nagkadaiyang simbahan dinhi sa rehiyon.
