CAGAYAN DE ORO CITY-Gialerto sa Philippine Atmospheric, Geophysical and Astronomical Services Administration kon PAG-ASA ang publiko nga dili motoo sa peke nga facebook account diin naghatag usab sa kahimtang sa panahon ilabina sa pasuluray nga bagyo sa Pilipinas.
Kini human napuno sa mga tawag ang PAG-ASA gikan sa nagkadaiyang bahin sa Mindanao tungod sa maong peke nga weather forecast.
Miingon si PAG-ASA weather forecaster June Frivaldo nga bakak ang maong report ug giawhag ang publiko nga dili magpataranta kabahin niini.
Giawhag ni Frivaldo nga bugtong sa ila lamang buhatan sa PAG-ASA nga isibya sa Bombo Radyo ug ubang media entities mohimo’g pagtoo aron dili makahatag
perhisyo kanila.
Samtang, nagpahimangno ang ilang buhatan sa mga residente sa syudad nga pangandaman ang posibleng pag-ulan ulan atol sa kasaulugan sa pasko.
Kini tungod sa laing tropical depression nga ilang nabantayan nga giingong pasulod sa Philippine Area of Responsibility o PAR.
Matud ni Frivaldo nga ilang gilauman nga mosulod sa Pilipinas si bagyong Vinta sa Disyembre 21 hangtud 23.
Sayran nga una nang gikabutyag nga moggawas na sa PAR ang bagyong Urduja ugmang adlawa.
