CAGAYAN DE ORO CITY-Misamot pagsaka ang ihap sa mga batan-ong nakasupak sa ordinansa sa curfew hours ning syudad.
Kini human nasikop sa kapolisan ang 14 ka minor de edad nga naglatagaw sa kadalanan ug nagyampungad sa internet cafe.
Miingon si PO1 Nelda Bayona sa Agora Police Station dili magpasagad ang mga ginikanan sa pag-atiman ilang mga anak.
Base sa record sa Agora Police Station, sulod sa usa ka adlaw kapin 10 ka batan-on nga estudyante ug out of school youth ang ilang na-reachout.
Una nang gihingusgan CSWD nga ang mga ginikanan maoy angay mapriso kon pasagdan niini maglatagaw ang ilang kaugalingong mga anak sa syudad.
