CAGAYAN DE ORO CITY-Gihugot pa ang seguridad samtang nagkaduol ang pagsaulog sa pasko ug bag-ong tuig sa palibot sa syudad.
Kini human mihimo’g surprise inspection si City Police Director Sr/Supt Roy Bahian sa nagkadaiyang checkpoint area ning syudad kagahapong adlawa.
Miingon si City Police Office spokesperson C/Insp Mardi Hortillosa nga tuyo niini nga dili malutsan ang seguridad sa dakbayan batok sa mga rebeldeng New People’s Army o NPA ug mga terorista.
Una niini,giangko ni Police Insp Melchor Sara-os Jr nga nagbantay sa police checkpoint sa Brgy Tablon ning syudad nga nakurat sila sa pag-inspection ni Bahian kagahapong adlawa.
