CAGAYAN DE ORO CITY- Gidid-an na ni Pres Rodrigo Duterte ang publiko nga mogamit sa firecrackers ug ipabuto bisan asa nga lugar sa kasaulugan sa pasko ug bag-ong tuig.
Kini subay sa gilugwa ni Pres Duterte nga executive order no.28 diin magamit lamang ang firecrackers isip ‘community fireworks display’ sa matag-local govt units.
Katuyuan niini nga kalikayang adunay mabiktima sa pabuto.
Gipasabot ni DTI regional spokesperson Atty Fel Brillantes nga kon adunay community fireworks display,angay lisensiyado usab ang mohimo niini.
Una nang gimanduan ang DILG,DENR,BFP,PNP ug ubang ahensiya nga moporma’g gabayan aron istrikto ipatuman ang kamanduan.
Subay sa DoH data,opisyal niini nga natala ang 630 ka fireworks-related injuries apan wala’y nakalas atol sa 2017 revelries.
Samtang gipanganti sa kapolisan nga mohimo sila’g pagpangdakop batok sa mga tawo nga makasupak sa mando ni Pres Rodrigo Duterte.
Miingon si COCPO spokesperson C/Insp Mardi Hortillosa nga istrikto nila ipatuman ang executive order no.28 ni Duterte sa pagsiguro nga malikay ang publiko batok sa iresponsabli nga paggamit sa nagkadaiyang pabuto ilabina dinhi sa syudad.
Karong adlawa,mohimo usab sa prescon ang DoH-10 kabahin sa ilang kampanya batok sa ilegal nga paggamit sa mga pabuto ilabina sa pagsaulog sa pasko ug pagsugat sa ba-ong tuig.
