CAGAYAN DE ORO CITY-Gikalipay ni Regional Peace and Order Council ug City Mayor Oscar Moreno ang deklarasyon nga ceasefire sa gobierno ug CPP-NPA-NDF sulod ning holiday season.
Miingon si Moreno nga kanunay ang pagsuporta sa local govt units kon unsa man ang makab-ot nga palisya ni Pres Rodrigo Duterte kabahin sa seguridad sa nasud.
Una usab niini,gihagit ni peace advocate IFI Bishop Felixberto Calang ang duha ka panig nga ipadayon ang nahunong nga peacetalks aron makab-ot ang lahutay nga kahusay’g kalinaw sa nasud.
Dumduman nga anaa sa alerto ang AFP ug PNP tungod sa bahad sa CPP-NPA-NDF nga mohimo’g atake ilabina sa paangat niini nga anibersaryo sunod semana.
Gani,nagpadayag usab ang NDFP nga mohimo sila sa ceasefire sugod Disyembre 23 hangtod Enero 2,2018.
