CAGAYAN DE ORO CITY- Gihagit karon sa National Police Commission o NAPOLCOM -10 nga unta magtinarong na ang pipila ka police scalawags nga naglihok dinhi sa rehiyon.
Kini human nagsugod na ang pag-epekto sa usbaw sa suhulan sa mga pulis sa tibuok nasud.
Miingon si Atty Robert Lou Elango,chairman sa police regional appellate board o PRAB sa NAPOLCOM nga unta suklian sa kapolisan sa maayong nga serbisyo ang katawhan nga maoy naghatag sa umento sa ilang mga suweldo.
Dumduman nga sa tuig 2017,daghan sila’g gi-demote ang ranggo ug gikasuhan nga pulis tungod usab sa kasong administratibo.
Una nang gibutyag ni Napolcom Vice Chairman Atty Rogelio Casurao nga angay magbaton sa maayong kinaiya ang mga pulis sa ilang pagserbisyo kay dili garantiya ang pagbaton nila’ dakong sweldo.
