CAGAYAN DE ORO CITY- Naila apan dili una matug-an sa SITG-Rotoras ang laing tulo ka persons of interest o POI sa kamatayon ni late USTP Pres Ricardo Rotoras ning syudad.
Kini ang gikompirmar ni SITG-Rotoras spokesperson C/Insp Mardi Hortillosa nunot sa padayong pagsulbad sa kamatayon ni Rotoras.
Miingon si Hortillosa nga gilikayan lamang una sa SITG investigators nga mabutyag sa katawhan sa pagsiguro nga dili usab mabutang sa peligro ang mga kinabuhi sa POIs samtang wala pa nila ma-kustodiya.
Una nang naka-hospital arrest si kanhi USTP faculty member Architect Rey Galua kinsa gikompirmar sa PNP nga person of interest sa Rotoras killing.
